Иллюстратив фото

Орегон штати университетидаги Линус Паулинг институти олимлари ҳар куни мультивитаминларни қабул қилиш кекса эркакларда иммунитет ҳужайралари томонидан кислородни қабул қилишни яхшилашини аниқладилар.

Тадқиқотда 68 ва ундан катта ёшдаги 35 нафар соғлом эркак иштирок этди. Уларнинг ярми витамин қўшимчасини қабул қилди, иккинчи ярми эса плацебо берилди. Аммо улардан сир тутилди. Иштирокчиларнинг ҳеч бирига, агар шифокор томонидан тайинланган бўлса, тадқиқот давомида D витаминидан ташқари бошқа қўшимчаларни олишга рухсат берилмаган.

Синовлар шуни кўрсатдики, кўплаб эркаклар тадқиқотгача маълум витаминларнинг мақбул даражасини қабул қилмаган. Натижада уларда олти ойдан кейин олимлар каротиноидларнинг камайганини қайд этдилар. Бу шуни англатадики, витамин миқдори юқори бўлиши учун фақат овқатнинг ўзи етарли эмас эди. Каротиноидлар ўсимликлар томонидан синтез қилинган сариқ, тўқ сариқ ва қизил пигментлардир. Баъзи каротиноидлар, масалан, бета-каротин, кўриш ва иммунитетда муҳим роль ўйнайдиган организм учун А витаминининг қўшимча манбаи бўлиши мумкин.

Тадқиқотчилар касаллик хавфини баҳоламаган бўлсалар ҳам, улар мультивитаминларни қабул қилган иштирокчиларнинг оқ қон ҳужайралари кўпроқ кислород истеъмол қилишини аниқладилар. Бу уларнинг иммун тизими мультивитаминлар туфайли яхшиланганлигини англатиши мумкин. Мутахассисларнинг фикрича, бу дастлабки хулосалар тахминни кенгроқ тадқиқотларда синаб кўриш керак.

Кўп кекса одамлар мультивитаминларни соғлом бўлишга ёрдам беради, деган умидда қабул қилишади. Аммо витамин қўшимчалари касаллик хавфини камайтириши мумкинлигини тасдиқловчи илмий далиллар ҳали йўқ.