Фото: Rambler

АҚШ ва Буюк Британия олимлари макака — маймунларда COVID-19 га қарши экспериментал вакцинани муваффақиятли синаб кўрди. Ушбу тадқиқот натижалари bioRxiv сайтида эълон қилинган.

Мазкур вакцина маймунларни коронавирусга чалиниш оқибатида юзага келувчи пневмония ривожланишидан ҳимоя қилгани аниқланди.

“Биз ChAdOx1-nCoV-19 вакцинасининг битта дозаси SARS-CoV-2 юқори дозаси киритилганда ўпка касалланишининг олдини олишда самарали эканлигини кўрсатдик. Шунингдек, вакцина макака-резусларни пневмония ривожланишидан ҳимоя қилганлигини кўрсатди”, — дейилади тадқиқотда.

Олимларнинг таъкидлашича, вакцина дастлаб сичқонларда синаб кўрилган, шундан сўнг биологлар уни макака-резусларда синаб кўришга қарор қилишди.

Тадқиқот давомида ChAdOx1-nCoV-19 вакцинаси коронавируснинг барча белгиларининг тўлиқ тўпламини бошдан кечирган олтита приматга юборилган, сўнг олимлар ҳайвонларда антитаналар ишлаб чиқарилишини 14 кундан 28 кунгача кутган. Шундан кейин эса тадқиқотчилар макакаларни ҳақиқий вирус билан касаллантиришга уринган.

Ҳайвонларга SARS-CoV-2 вируси киритилганидан 7 кун ўтгач, олимлар вакцина вируснинг маймунлар ўпкасига киришдан тўлиқ ҳимоя қилгани, улар ҳеч бирида ўпка патологияси ёки вирусли пневмония кузатилмаганига гувоҳ бўлишган. Бундан ташқари, бирорта ҳам макака ўпкасида SARS-CoV-2 коронавируси антигени топилмаган.

Таъкидланишича, вакцинанинг муваффақиятли синовида мингдан ортиқ кўнгиллилар иштирок этган.