Нурсултон Рўзибоев UFC билан янги шартнома имзолади
Фото: Getty images
Ўзбекистонлик ММА жангчиси Нурсултон Рўзибоев UFC билан янги шартнома имзолади. Бу ҳақида спортчи ўзининг Instagram саҳифада маълум қилди.
Унга кўра, бу галги шартномада спортчи промоушенда 4 та жанг ўтказиши назарда тутилган. Шунингдек, Рўзибоев эски битим бўйича ҳам UFC'да яна 1 та жанг ўтказади.
2023 йил 1 июль куни ташкилотда дебют қилган 30 ёшли ўзбекистонлик спортчининг ташкилотдаги натижалари ҳозирча 2-1, яъни у UFC'да 3 та жанг ўтказиб, 2 тасида ғалаба қозонган, 1 та жангда эса имкониятни бой берган.
Нурсултон UFC'даги сўнгги жангини америкалик Хоакин Баклига қарши ўтказиб, очколар ҳисобига мағлуб бўлган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг