Нуроталик чеварлар каштаси рекордлар китобига кирса, ажабмас
«Ҳунарманд» уюшмасининг аъзоси, «Шуҳрат« медали соҳибаси каштачи, Баҳора Мамаражабова раҳбарлигидаги нуроталик каштадўзлар шу кунга қадар энг йирик ҳисобланган сўзанани тайёрлаб, рекорд ўрнатишди. Бунинг учун 100 метрни ташкил этувчи алоҳида каштали бўлаклар бир-бирига уланиб, бир бутун яхлит полотнога бирлаштирилди.
— Кўпчилик ўзбек каштачилик санъатини халқаро миқёсда танитган ҳунарманд Мадина Касимбаевани яхши таниса керак, — дейди Баҳора Мамаражабова. — Буюртма ва лойиҳа айнан М. Касимбаеванинг ғояси. Уни жамоамиз тўққиз ой мобайнида тикиб тугатишди. Бу ишга дастлабки босқичда саксон, кейинги уч ойида қирқ чеварни жалб этдик.
Тошкентча нусхадаги ушбу сўзанага қарийб 50 кг 100 фоизли ингичка тола ипак ип ишлатилган. Сўзананинг нақшларини чизишнинг ўзига эса нақд бир ой вақт сарфланди.
Нуроталик чеварларнинг мазкур каштаси Гиннесснинг рекордлар китобига кирса ажабмас.
Темур ЭШБОЕВ, «Халқ сўзи».
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг