Норвегияда коронавирусга қарши вакцина олган икки киши вафот этди. Бу Европадаги биринчи ҳолат эмас
Норвегияда коронавирусга қарши вакцина билан эмланган икки киши ҳаётдан кўз юмган.
Вафот этганлар Қариялар уйида яшовчи фуқаролар бўлиб, улар "Pfizer/BioNTech" вакцинаси билан эмланган эди.
“5 январь куни биз эмлашдан бир неча кун ўтгач иккита ўлим содир бўлгани ҳақида хабар олдик», дейилади Норвегия дори-дармон воситалари агентлиги хабарида.
Норвегияда коронавирусга қарши оммавий эмлаш 2020 йил 27 декабрда бошланиши эълон қилинди ва тадбирлар Осло шаҳридаги Қариялар уйида бошланди.
Бундан бир кун олдин Португалияда тиббиёт ходими коронавирусга қарши "Pfizer/BioNTech" вакцинаси билан эмланганидан икки кун ўтиб вафот этгани маълум бўлган эди. Аёл эмлаш пайтида ва ундан кейин ўз ҳолатидан шикоят қилмаган.
2020 йилнинг декабрь ойи охирида эса Швейцариядаги Қариялар уйидан бирида ҳам "Pfizer/BioNTech" вакцинаси билан эмланганидан сўнг вафот этгани хабар қилинган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг