Норвегияда коронавирусга қарши вакцина олган 23 киши ҳаётдан кўз юмди
Фото: EPA-EFE
Норвегияда коронавирусга қарши вакцина олган 23 киши ҳаётдан кўз юмган.
Иситма, кўнгил айниш каби вакцина олгандан кейин пайдо бўладиган умумий симптомлар соғлиғи муаммолар бор кекса одамларнинг ўлимига олиб келиши мумкин. Бу фикрларни Норвегия дори-дармон воситалари агентлиги бош шифокори Сигурд Хортему айтиб ўтди.
Мамлакатда оммавий эмлаш тадбирлари 2020 йилнинг 27 декабрь куни бошланган эди. Бу ерда АҚШнинг "Pfizer“ ва Германиянинг ”BioNTech" компаниялари ҳамкорликда ишлаб чиқарган вакцинадан фойдаланилмоқда.
Эмлаш тадбирлари Осло шаҳридаги Қариялар уйида бошланган. Айни кунга қадар 21 минг нафардан ортиқ аҳоли вакили вакцинанинг биринчи дозасини олган.
12 январь куни Норвегия АҚШнинг "Moderna" компанияси томонидан ишлаб чиқарилган вакцинанинг дастлабки партиясини қабул қилиб олди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг