Фото: Архив сурат

Президентнинг тегишли фармонига мувофиқ олий таълим муассасаларининг иқтидорли талабалари учун айрим номли давлат стипендиялари жорий этилганлиги муносабати билан 1993 йил 5 февралдаги ПФ–555-сон Фармонга ўзгартириш киритилди.

Унга кўра, мазкур фармон 2-банди таҳрирланиб, номли давлат стипендияларнинг йўналишлар кесимидаги рўйхати янгиланди.

Жумладан, Президентнинг ПҚ–414-сон ҳамда ПҚ–20-сон қарорларига мувофиқ рўйхатга тарих ва география йўналишларида – Бобур, жисмоний маданият ва спорт йўналишларида – Паҳлавон Маҳмуд номли стипендиялари киритилиб, уларнинг сони 12 тага етди.

Номли давлат стипендияларнинг йўналишлар кесимидаги рўйхати:

— техника йўналишларида – Беруний;

— тиббиёт йўналишларида – Ибн Сино;

— гуманитар йўналишларда – Навоий;

— тасвирий ва амалий санъат ҳамда дизайн йўналишларида – Камолиддин Беҳзод;

— табиий йўналишларда – Улуғбек;

— кинематография йўналишида – Худойберган Девонов;

— тарих ва география йўналишларида – Бобур;

— жисмоний тарбия ва спорт йўналишларида – Паҳлавон Маҳмуд;

— Ўзбекистон халқаро ислом академиясида – Имом ал-Бухорий;

— Қорақалпоғистондаги олийгоҳларда – Тўлепберген Қаипбергенов ва Ибройим Юсупов;

— барча йўналишларда – Ислом Каримов номли давлат стипендиялари.