Foto: Arxiv surat

rezidentning tegishli farmoniga muvofiq oliy taʼlim muassasalarining iqtidorli talabalari uchun ayrim nomli davlat stipendiyalari joriy etilganligi munosabati bilan 1993-yil 5-fevraldagi PF–555-son Farmonga oʻzgartirish kiritildi.

Unga koʻra, mazkur farmon 2-bandi tahrirlanib, nomli davlat stipendiyalarning yoʻnalishlar kesimidagi roʻyxati yangilandi.

Jumladan, Prezidentning PQ–414-son hamda PQ–20-son qarorlariga muvofiq roʻyxatga tarix va geografiya yoʻnalishlarida – Bobur, jismoniy madaniyat va sport yoʻnalishlarida – Pahlavon Mahmud nomli stipendiyalari kiritilib, ularning soni 12 taga yetdi.

Nomli davlat stipendiyalarning yoʻnalishlar kesimidagi roʻyxati:

— texnika yoʻnalishlarida – Beruniy;

— tibbiyot yoʻnalishlarida – Ibn Sino;

— gumanitar yoʻnalishlarda – Navoiy;

— tasviriy va amaliy sanʼat hamda dizayn yoʻnalishlarida – Kamoliddin Behzod;

— tabiiy yoʻnalishlarda – Ulugʻbek;

— kinematografiya yoʻnalishida – Xudoybergan Devonov;

— tarix va geografiya yoʻnalishlarida – Bobur;

— jismoniy tarbiya va sport yoʻnalishlarida – Pahlavon Mahmud;

— Oʻzbekiston xalqaro islom akademiyasida – Imom al-Buxoriy;

— Qoraqalpogʻistondagi oliygohlarda – Toʻlepbergen Qaipbergenov va Ibroyim Yusupov;

— barcha yoʻnalishlarda – Islom Karimov nomli davlat stipendiyalari.