Номаълум компания билан шартнома ва “Телеграм”нинг 190 фоизга ўсган даромади
“Telegram” инвесторларга Павел Дуровнинг ҳибсга олиниши компания фаолиятига таъсир қилмаганини маълум қилди. “Financial Times” нашрида мавжуд 2024 йилнинг биринчи ярмидаги молиявий натижалар компаниянинг ўсишини тасдиқлайди.
2024 йилнинг биринчи ярмида “Telegram” 335 млн доллар соф фойда олди. Бу бутун 2023 йилдаги 173 млн доллар зарардан кескин фарқ қилади. Ушбу даврда даромад 190 фоизга ўсиб, 525 млн долларни ташкил этган.
2024 йилнинг биринчи ярмида крипто-активларнинг қиймати ҳам 2023 йил охиридаги 400 млн доллардан 1,3 млрд долларгача кўтарилди. Бунда “Toncoin” сотувидан келган маблағлар “молиявий захира” яратиш имконини берган.
Энг қизиғи, маблағларнинг деярли ярми — 225 млн доллар номаълум компания билан тузилган битимга тўғри келган. Бунинг натижасида “Toncoin” рекламани сотиб олишнинг эксклюзив усулига айланган. Шартнома эса 2024 йил 1 октябрида бекор қилинган.
Бундан ташқари, реклама даромади 120 млн доллар, “Премиум” обунаси даромади эса 119 млн долларгача кўтарилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг