«Нефтчи» хорижлик футболчи билан келишувга эришди
Фарғонанинг «Нефтчи» клуби хорватиялик ҳужумчи Стипе Перица билан шартнома имзолади. Бу ҳақда «Transfermarkt» портали хабар берди.
Маълумот учун, Стипе Перица 1995 йилда Хорватияда туғилган. 2013 йилда ушбу футболчини Лондоннинг «Челси» клуби 2,5 миллион евро эвазига ўз сафига қўшиб олган.
Кейинги йилларда футболчи Италиянинг «Удинезе», «Фрозиноне», Бельгиянинг «Стандард», Англиянинг «Уотфорд», Туркиянинг «Қосимпоша», Исроилнинг «Маккаби Тель-Авив» каби жамоаларида тўп сурган.
Стипе якунланган мавсумни Руминиянинг «Динамо Бухарест» клуби сафида ўтказди. У мавсум давомида 16 та ўйинда майдонга тушиб, 6 та гол муаллифи бўлди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг