Навоийда ўзи хизмат қиладиган уйдан тилла тақинчоқларни ўғирлаган аёл ушланди
Навоийда ўзи хизмат қиладиган уйдан тилла тақинчоқларни ўғирлаган аёл қўлга олинди. Бу ҳақда «Постда» хабар берди.
Навоий вилояти Навоий шаҳрида акаларининг кўмаги билан ижарада ёшайдиган аёл одамларнинг кундалик юмушларини бажариб юрган. Шундан сўнг бир қўшнисининг фарзандарига энага кераклигини билиб, хизматга ёлланган. Чақалоқнинг онаси савдо-сотиқ ишлари билан шуғуллангани учун уйда кам бўлган. Энага аёлнинг нафси ҳакалак отиб, уй бекасининг нарсаларини ўғирлай бошлаган. Хусусан, токчада турган тилла тақинчоқлар орасидан 3 донасини ўғирлаган.
Хонадон соҳибаси тиллалари йўқолганини билгач, ҳуқуқ-тартибот идораларига мурожаат қилган. Навоий шаҳар ИИБ ЖҚБ ходимлари ўғри аёлни ашёвий далиллар билан қўлга олган. Унга нисбатан Ўзбекистон Республикаси Жиноят кодексининг 169-моддасига кўра жиноят иши қўзғатилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг