Москвадаги қурилишда ўзбекистонлик ишчи кран устида ҳалок бўлди
Россияда қурилиш майдонида ишлаётган ўзбекистонлик кранчи ҳалок бўлди. Бу ҳақда ТАСС хабар берди.
Маълум қилинишича, воқеа Москванинг Летниковская кўчасидаги тураржой мажмуаси қурилишида содир бўлган. 44 ёшли Ўзбекистон фуқароси минора крани кабинасида ҳалок бўлган. Қутқарувчилар унинг жасадини пастга тушириш учун 100 метр баландликка кўтарилган.
Дастлабки маълумотларга кўра, марҳумнинг вафотига ўткир юрак-қон томир етишмовчилиги сабаб бўлган. Бироқ ТАСС агентлиги манбасига таяниб, қўшимча қилишича, ишчидаги юрак хуружига гиёҳванд моддаларнинг дозаси ҳаддан ташқари ошиб кетиши сабаб бўлган бўлиши мумкин.
Эслатиб ўтамиз, Санкт-Петербургнинг Невский туманида қурилиш-монтаж ишлари пайтида ўзбекистонлик қурувчи 10 метр баландликдан қулаб, ҳалок бўлгани ҳақида хабар берилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг