Москвада муҳожирларнинг контрабандаси билан шуғулланган икки ўзбек ушланди
Россияда ҳуқуқни муҳофаза қилиш органлари меҳнат муҳожирларини «даволаниш» учун Москвага ноқонуний олиб кираётган Ўзбекистонлик икки эркакни ҳибсга олди. Бу ҳақда “360tv.ru” хабар берди.
Маълумотларга кўра, уч киши: икки Ўзбекистон фуқароси ва битта россиялик Москва аэропорти орқали чет элликларнинг ноқонуний миграцияси учун йўл очган. Бунинг учун улар чегарачиларга сохта тиббий маълумотномаларни кўрсатган. Айтилишича, унда Москвада даволанишни талаб қиладиган касалликларга чалинган муҳожирлар тасвирланган.
Аслида, чет эл фуқароларида ҳужжатларда кўрсатилган касалликлар бўлмаган, улар Россияга меҳнат фаолиятини амалга ошириш учун келган, - дейилади хабарда.
Бундан ташқари, Ўзбекистон фуқаролари Хорошевский туман суди қарори билан ҳибсга олинганлиги қайд этилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг