Мен ҳеч қачон АҚШ ва Россия ўртасида бизнинг иштирокимизсиз қабул қилинган Украинага оид қарорларни қабул қилмайман — Зеленский
Маълумки, 18 февраль куни Саудия Арабистонида АҚШ ва Россия вакилларининг Украинадаги урушни тугатиш бўйича музокаралари бўлиб ўтиши кутилмоқда. Украина президенти Владимир Зеленский мазкур музокаралар юзасидан «NBS News» нашрига интервью берди.
Зеленскийнинг фикрича, АҚШ президенти Дональд Трамп Россия етакчисини тинчлик музокараларига жалб қилишга қодир ягона шахс ҳисобланади.
«Мен Трампга ишонаман, чунки у АҚШ президенти. Америка халқи унга овоз берди ва мен уларнинг танловини ҳурмат қиламан. Аммо ҳеч қачон АҚШ ва Россия ўртасида бизнинг иштирокимисиз қабул қилинган Украинага доир қарорларни қабул қилмайман», — дейди Зеленский.
Бундан ташқари, Украина етакчиси АҚШ Россия билан музокаралар ўтказса, Путиннинг ҳеч бир гапига ишонмаслик кераклигини қатъий таъкидлаган.
«Путиннинг ўт очишни тўхтатиш ҳақидаги сўзларига ишонманг. У билан 2019 йилда ҳам тинчлик битими тузишга уриниб кўрганмиз, у қотил ва ҳеч қачон ўзгармайди», — деди у.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг