Макрон Франция коронавирус устидан ғалаба қозонганини эълон қилди
Франция Президент Эмманюэль Макрон мамлакат халқига қилган навбатдаги мурожаатида Франция коронавирус эпидемияси устидан ғалаба қозонганини маълум қилган. Бу ҳақда маҳаллий “Le Parisien” нашри хабар тарқатди.
Манбага кўра, Майотта ҳамда Гвианадан ташқари 15 июндан бошлаб мамлакатнинг барча ҳудуди “яшил”, яъни коронавирусдан холи дея эълон қилинган.
Ресторан, кафе, барлар ўз фаолиятини қайта тиклайди, давлат чегаралари ҳам очилади.
Мактабларда анъанавий таълим жараёни эса 22 июндан бошланади.
“Аммо бу вирус йўқолганини англатмайди. Биз у билан узоқ вақт яшашга мажбурмиз. Эпидемияга қарши кураш ҳали тугагани йўқ. Аммо мен вирус устидан биринчи ғалабани қўлга киритганимиздан мамнунман”, деган президент.
Давлат раҳбарининг таъкидлашича, ҳозирги кунда асосий вазифа мамлакат иқтисодиётини тиклашга қаратилади.
Тасдиқланган маълумотларга кўра, Францияда коронавирус инфекцияси 152 460 киши юқтириб олган ва шундан 29 335 нафари ҳаётдан кўз юмган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг