Лондонда поезд мушук туфайли кечиктирилди
Лондондан Манчестерга поезднинг жўнаб кетишини поезд томидан тушишни истамаган мушук кечиктирди. Бу ҳақда Гуардиан нашри хабар бермоқда.
Ҳодиса Лондон марказидаги Эустон станциясида содир бўлди. Поезд Манчестерга жўнаб кетишидан тахминан ярим соат олдин станция ходимлари поезд томида мушук ўтирганини пайқашди.
Мушук пастга тушмаганлиги сабабли йўловчиларни қўшимча поездга кўчириш учун анчагина вақт кетди. Тахминан 2 соатлардан сўнг мушук станция ходимлари томонидан хавфсиз тарзда поезд томидан тушириб олинди.
У қандай қилиб поезд томига чиқиб олгани номаълум.
Станция менежерининг сўзларига кўра, шунга ўхшаш вазиятлар асосан қушлар билан содир бўлган. Аммо мушук билан биринчи марта бундай ҳолатга рўбарў келишди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг