Хитойнинг Ухан шаҳрида «COVID-19» ҳолатлари сабабли яна карантин жорий этилди
Архив сурат
Хитойнинг Ухан провинцияси туманларидан бирида «COVID-19»нинг янги ҳолатлари аниқлангани сабабли яна карантин жорий этилди.
«Соғлиқни сақлаш комиссияси 26 октябрь, чоршанба куни эрталаб «COVID-19»нинг юқиши билан боғлиқ битта ҳолат ва 18 та симптомларсиз инфекция ҳолати ҳақида маълум қилди», дейилади маҳаллий ОАВ тарқатган хабарларда.
Янги аниқланган ўн тўққизта ҳолатдан 16 таси маҳаллий, учтаси бошқа ҳудудлардан кириб келгани айтилмоқда. Касалланган орасида 18 ёшдан 33 ёшгача бўлган уч нафар аёл ҳам бўлиб, аллақачон бир қатор жамоат жойларида, жумладан, мактаблар, гўзаллик салонлари, кафелар, супермаркетлар ва дорихоналарда бўлгани аниқланган.
Шу муносабат билан расмийлар 26-30 октябрь кунлари уч кунлик карантин жорий қилди. Айни вақтда 837 мингдан ортиқ аҳоли истиқомат қиладиган ҳудудда муҳим ташкилотлардан ташқари бошқа барча муассасалар ёпилди. Одамларга ўта зарурат бўлмаса, яшаш жойини тарк этиш тақиқланди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг