Фото: Reuters

Хитойда сўнгги 80 кун ичида биринчи марта коронавирусга чалинганлар сони кескин ошди. Жумладан шу йилнинг 30 октябрь куни 2675 та инфекция қайд этилди. Бу бир кун аввалгига нисбатан 802 тага кўпдир. Шу боис мамлакат аҳолиси "COVID-19" пандемиясининг қайтиши ва қаттиқ чекловлардан қўрқиб кетди, дейилади "Bloomberg" хабарида.

Касалланиш ҳолатлари мамлакатинг 31 та минтақасида, шу жумладан унинг энг йирик ва иқтисодий жиҳатдан муҳим ҳудудларида жуда тез тарқалмоқда. Шу муносабат билан 31 октябрь куни Шанхай курорти, "Walt Disney Co", "Disneylend" ва "Disneytaun" парклари пандемиянинг олдини олиш ва назорат қилиш учун ёпилган.

2019 йил охири ва 2020 йил бошида Хитойда инфекция тарқалиши бошланганидан буён мамлакат ҳукумати юқори иқтисодий харажатларга, норозилик кучайиб бораётганига ва дунёнинг қолган қисмидан изоляция қилинишига қарамай, қаттиқ чеклов сиёсатига амал қилди. Ушбу ёндашув ишчилар ва уларнинг оилаларига оғирлик қила бошлаганининг белгилари аллақачон мавжуд. Чунки аста-секин кучайтирилган инфекцияга қарши чоралар мамлакатда бизнес юритиш ва ижтимоий тадбирларда иштирок этишни қийинлаштиради.

Хитой, шунингдек, 2020 йил март ойидан бошлаб кўпчилик чет элликларнинг киришини тақиқлади.