Хитойда коронавируснинг янги тўлқини сабабли йирик шаҳарлардан бирида локдаун эълон қилинди
Фото: AP
Хитойнинг Шенчжен шаҳрида "COVID-19" инфекцияси билан касалланиш ҳолатлари кескин ошгани сабабли блокировка эълон қилинди. Бу ҳақда "New York Times" нашри хабар бермоқда.
Шунингдек, мамлакатнинг энг йирик шаҳарларидан бири Шанхайдан зарурат бўлмаганда ҳаракатга чеклов жорий қилинди.
Тахминларга кўра, Хитойда янги коронавирус тўлқинининг тарқалиши Шенчжен билан чегарадош Гонконгдан бошланган. Бу ерда ҳам аввалроқ локдаун эълон қилинган эди. 13 март куни мамлакат расмийлари 3122 та янги ҳолатни қайд этган. Икки кун аввал бу кўрсаткич 1100 тани ташкил қилган.
Нашрнинг таъкидлашича, Хитойнинг энг йирик портларидан бири бўлган Шенчжендаги блокировка Хитой иқтисодиёти ва халқаро савдога салбий таъсир кўрсатиши мумкин.
Аввалроқ Жаҳон соғлиқни сақлаш ташкилоти "COVID-19" пандемиясининг 2022 йил охиригача кутилаётган тугашини башорат қилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг