Хитой жанубида бортида 132 киши бўлган йўловчи самолёт ҳалокатга учради
Фото: news.cgtn.com
Хитойнинг "China Eastern Airlines" авиакомпаниясига тегишли "Boeing 737-800" самолёт мамлакат жанубида ҳалокатга учради.
Ҳодиса оқибатида ҳалок бўлганлар ва жароҳатланганлар ҳақида ҳам расмий маълумот йўқ. Самолёт бортида 132 киши, жумладан 123 йўловчи ва тўққиз нафар экипаж аъзоси бўлган. Фожиа "ҳаво кемаси" Хитой жануби-ғарбидаги Юннань провинцияси пойтахти Кунмин шаҳридан жанубий Гуандун провинцияси маркази Гуанчжоу шаҳрига учаётган эди.
Мамлакат марказий телевидениеси хабарига кўра, ушбу ҳодиса сабабли "China Eastern Airlines" авиакомпанияси ўзининг мавжуд "Boeing 737-800" самолётлари парвозларини тўхтатди.
"Ҳавода бўлган лайнерлар жорий парвозларни амалга ошириши мумкин, шундан сўнг улар ерда қолади ва ташиш учун фойдаланилмайди", дейилади хабарда.
Авиация бўйича эксперт Ван Янъаннинг сўзларига кўра, двигателнинг носозлиги самолётнинг қулашига олиб келган бўлиши мумкин. Шу билан бирга, у бирон бир хулоса чиқаришга ҳали эрта эканлигини таъкидлаб, бунинг учун "қора қутилар"даги ёзувларни ўрганиш кераклигини айтган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг