Хитой товарларига қўйиладиган бож Илон Маскнинг «жонига оро» кириши мумкин
Фото: Reuters
АҚШнинг «Тесла» компанияси янги импорт божлари туфайли европалик харидорлар учун Хитойда ишлаб чиқарилган «Модел 3» автомобиллари нархини оширишни кўриб чиқмоқда.
Компания ўз веб-сайтида нархларнинг ошиши 2024 йил 1 июлдан кучга киришини маълум қилди. «Тесла» Германия, Франция ва Бельгия каби мамлакатлардаги бўлажак харидорларни июнь ойида буюртма беришга чақирди.
Европа Комиссияси июль ойидан бошлаб Хитойда ишлаб чиқарилган электр транспорт воситаларига 38,1 фоизгача қўшимча импорт божлари жорий этишини маълум қилганди.
Бу қарор Европа Иттифоқида сотиладиган Хитойда ишлаб чиқарилган электромобиллар нархининг ошишига олиб келиши мумкин. Бунга жавобан Пекин ўз манфаатларини ҳимоя қилиш чораларини кўришини билдирди.
Нархларнинг ошиши Европа Иттифоқининг Хитойга қарши савдо санкцияларини кучайтириши билан боғлиқ. Ушбу чора-тадбирлар савдо номутаносиблигини бартараф этиш ва Европа саноатини ҳимоя қилиш бўйича кенгроқ саъй-ҳаракатларнинг бир қисмидир.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг