Хитой Мьянмадаги ҳарбий тўнтаришдан кейин жуда зарур халқаро ёрдамни тақдим этаётган бўлиши мумкин. Аммо Жануби-Шарқий Осиё мамлакатидаги ички вазият туфайли Пекин бу масалада иккиланишлар ёқасида қолмоқда.

Мамлакатдаги йирик инфратузилма ва бошқа лойиҳаларга сармояларини ҳисобга олган ҳолда ва Мьянма билан трансчегаравий савдога кунига 16 миллион доллар сарфлаганини ҳисобга олинса, Пекиннинг хавотирлари ўринли.

Хитойнинг Мьянмадаги кўплаб сармоялари орасида 800 км узунликдаги эгизак нефть ва табиий газ қувури стратегик аҳамиятга эга. Нефть қувуридан ҳар йили 22 миллион тонна, газ қувуридан эса 12 миллиард кубометр газ ташилади.

Таъкидланишича, ушбу лойиҳа Пекиннинг «Бир макон, бир йўл» ташаббусининг муҳим қисми ҳисобланади ва қувурларга етказилган ҳар қандай зарар ҳар икки мамлакат учун катта йўқотишларга олиб келади.

Хитойнинг хавотирлари яқинда қувурларнинг қўриқлаш учун масъул бўлган хавфсизлик ходимларига уюштирилган ҳужум ортидан янада кучайган.

Бундан ташқари, Мьянмада электр станцияларини қуриш учун шартнома тузган Хитой энергетика компаниялари ўз лойиҳаларини тўхтатиб қўйишди, баъзилари эса ушбу бозордан чиқишни ўйламоқда.