Ижтимоий тармоқлардаги “Миллий боғ бекатидаги поезд бузилиб қолди” мазмунидаги хабарларга расмий муносабат билдирилди
Мазкур ҳолат юзасидан Тошкент метрополитени ахборот хизмати қуйидагиларни маълум қилади:
Жорий йилнинг 10 октябрь санасида соат 17:12 ларда Чилонзор йўналишининг миллий боғ-Новза перегони эстакасида ҳаракатланаётган 29-сонли ҳаракат таркибида йўловчилар оқими кўп бўлгани боис техник носозлик ҳолати кузатилган.
Ушбу ҳаракат таркиби 12 дақиқа вақт давомида ҳаракатлана олмаган. Машинист томонидан ўрнатилган тартибда кўрилган чора-тадбирлар натижасида поезд ҳаракати қайта йўлга қўйилган.
Ҳозирги вақтда йўналишда поездлар ҳаракати белгиланган жадвал асосида амалга оширилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг