Италияда мавжуд вакциналарга чидамли "Covid-19" мутацияси аниқланди
Италияда мавжуд вакциналарга чидамли бўлиши мумкин бўлган коронавирус штамми аниқланган.
Бу ҳақда Италия вирусологлар жамияти президенти, микробиологик лаборатория директори Арнальдо Карузо маълум қилди.
Унга кўра, гап илгари аниқланган Нигерия штамми ҳақида кетмоқда. У мамлакат шимолидаги Ломбардия вилоятининг Брешиа шаҳрида топилган.
Карузонинг таъкидлашича, ушбу штамм мутациялар билан тавсифланади, унга қарши ҳозирда мавжуд вакциналар самарали бўлмаслиги мумкин.
Аввалроқ Жаҳон соғлиқни сақлаш ташкилоти коронавируснинг янги штаммлари аниқланган мамлакатлар сони ўсишда давом этаётгани ҳақида хабар берган эди. Яъни, "Covid-19" Буюк Британия мутацияси яна етти мамлакатда аниқланган ҳамда расман қайд этилган давлатлар сони 101 тага етган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг