Илғор фермерларга автомобиль совға қилинди
Фото: "TCT Cluster"
Бухоро вилоятидаги “Мергантекс” пахта-тўқимачилик кластери фермерларда пахтадан юқори ҳосил олишга бўлган иштиёқни янада кучайтириш мақсадида мавсум бошида танлов эълон қилган эди.
Унга кўра, биринчи теримда 70 центнер ҳосил олган фермерга “Кобальт”, 60 центнер олганга “Спарк” автомашинаси, 50 центнерга 50 миллион, 40 центнерга 40 миллион, 30 центнерга 30 миллион сўм пул мукофоти берилиши ваъда қилинган эди.
Ўзига хос мусобақага айланган бу йилги мавсумда “Ойдиной Олим Ойбек” фермер хўжалиги раҳбари Сардор Эргашевнинг қўли баланд келди. Ушбу хўжалик жамоаси 70 центнерлик маррани забт этди. Қоракўл тумани ҳокимлигида ташкил этилган тадбирда Сардор Эргашевга “Кобальт” автомашинаси тантанали равишда топширилди.
Бундан ташқари, “Қурбонбой Чориев” фермер хўжалиги раҳбари Эркин Чориевга “Спарк” автомобили, бир гуруҳ илғор фермерларга эса ваъда қилинган миқдордаги пул мукофотлари берилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг