Ҳиндистон расмийлари фуқаролардан ҳатто уйда ҳам ниқоб тақишни сўраб мурожаат қилди. Мамлакатда сўнгги беш кундан бери янги ҳолатлар сони кескин кўп аниқланмоқда. Хусусан, охирги бир кун ичида бу ерда 352 991 кишида вирус аниқланган. Пандемия бошидан бери “COVID-19” билан зарарланган сони 17 313 163 кишига етган.

Айни пайтда энг мураккаб вазият Маҳараштра, Уттар Прадеш штатлари ва Деҳли округида кузатилмоқда.

Маҳаллий мутахассисларнинг сўзларига кўра, Ҳиндистонда коронавируснинг иккинчи тўлқини кузатилмоқда. Мавжуд вазиятдан келиб чиқиб, Нью-Деҳли Вашингтондан “COVID-19”га қарши вакциналар ишлаб чиқариш учун компонентлар етказиб беришни сўраган.

Бир неча кундан бери Ҳиндистонда коронавирус билан боғлиқ вазият жуда ёмон тус олмоқда. Ўтган жума куни Деҳлидаги касалхоналарга кислород тақчиллиги кузатилган. Натижада ўнлаб беморлар ҳаётдан кўз юмгани ҳақида хабар берган эдик.

Олдинроқ, Ҳиндистонда яшовчи украиналик тиббиёт фанлари доктори, профессор Aлександр Кухарчук ҳозир бутун дунё олдида пандемиянинг биринчи тўлқинига қараганда коронавирус инфекциясининг янада кучли тарқалишидан омон қолиш вазифаси тургани ҳақида айтиб ўтган эди.

"Биз (қайси давлатда бўлишимиздан қатъи назар) коронавирус инфекциясининг шундай авж олиш арафасида турибмизки, пандемиянинг биринчи тўлқини, унинг олдига" гул"га ўхшайди!", деган эди Кахарчук.