“Ҳизбуллоҳ” Исроил разведка базасига ракета ҳужуми уюштирганини маълум қилди
Иллюстратив фото
Ливандаги “Ҳизбуллоҳ” ҳаракати Исроил пойтахти Тель-Авив шаҳри чеккасидаги Глилот ҳарбий разведка базаси ва Ҳайфа шимоли-ғарбидаги Исроил ҳарбий-денгиз базасига ракета ҳужумларини уюштирганини маълум қилди.
“Ислом қаршилик жангарилари Тель-Авив чеккасидаги Глилот ҳарбий разведка базасига ракета ҳужуми уюштирди”, — дейилади ҳаракат матбуот хизмати сешанба кунги баёнотида.
Матбуот хизмати маълумотларига кўра, Исроил пойтахти яқинидаги Нирит қишлоғига ҳам ракета зарбаси берилган.
Хабарда айтилишича, ҳаракат Ҳайфа шимоли-ғарбидаги Стелла Марис ҳарбий-денгиз базасига ракеталар билан ҳужум қилган.
Ҳозирча, бу маълумотга Исроил томонидан ҳеч қандай изоҳ берилмади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг