Гонконгда коронавирусга қарши ўзига хос вакцина ишлаб чиқилмоқда. Ундан болаларни эмлашда ҳам фойдаланиш мумкин
Гонконг университети мутахассислари коронавирусга қарши аэрозоль шаклидаги вакцинани ишлаб чиқармоқда. Ундан болаларни эмлашда ишлатиш режалаштирилган. Бу ҳақда "South China Morning Post" нашри хабар бермоқда.
Нашрнинг ёзишича, препарат истеъмолчиларга икки-уч йил ичида тақдим этилади. Ҳозир у клиник синовларнинг биринчи босқичидан ўтмоқда.
Вакцинани ишлаб чиқарувчилар унинг «ниҳоятда хавфсиз» эканлигини таъкидлашмоқда. Тадқиқотчиларга кўра, ушбу препаратдан олти ойлик болаларни ҳам эмлашда ишлатилиши мумкин.
Бундан ташқари, ҳозир мавжуд бўлган вакциналардан фарқли ўлароқ, ушбу препаратни қўллашда битта доза етарли бўлади. Унинг тахминий ён таъсири қисқа муддатли бош оғриғи ва бурун битиши бўлиши мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг