Филиппин соҳили яқинида 350 киши бўлган паром чўкиб кетди: 10 нафардан ортиқ одам ҳалок бўлди
Филиппин соҳили яқинида бортида 350 киши бўлган паром чўкиб кетди. Бу ҳақда «Синьхуа» ахборот агентлиги хабар бермоқда.
M/V Trisha Kerstin 3 юк-йўловчи пароми порт шаҳри Замбоангададан Сулу провинциясида жойлашган жанубий Холо оролига йўл олган бўлган.
Соҳил қўриқлаш хизмати вакилларининг маълум қилишича, кема эҳтимол, техник муаммоларга дуч келиб, натижада чўкиб кетган.
Ҳозирга қадар камида 15 нафар инсоннинг жасади топилган, 43 киши эса бедарак йўқолганлар қаторида қайд этилмоқда. Қидирув-қутқарув ишлари давом этмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг