Эрдоған "Bayraktar Kizilelma" дронининг суратини улашди
Фото: RTErdogan/Twitter
Туркия президенти Режеп Таййип Эрдоған "Bayraktar Kizilelma" дронининг суратини улашди.
Эрдоған, шунингдек, Америка томонининг ҳаракатларига жавобан тан олинмаган Шимолий Кипр Турк Республикасида учувчисиз учиш аппаратлари жойлаштирилганини маълум қилди.
Президентнинг сўзларига кўра, Шимолий Кипрда учувчисиз учиш аппаратлари, жумладан, зарба берувчи дронларнинг жойлаштирилиши АҚШнинг Кипрга қурол-яроғ етказиб бериш эмбаргосини бекор қилган ҳаракатларига жавобдир.
Шунингдек, у Туркия ҳарбий-ҳаво кучларининг самолётлари керак бўлса, тезда орол шимолига етиб боришини қўшимча қилди.
Аввалроқ, Эрдоған Анқаранинг энди Афина билан гаплашадиган ҳеч нарсаси йўқлигини айтган эди. Туркия Европа Иттифоқи Грецияни жамият бирдамлиги баҳонасида ноқонуний ташаббусларини қўллаб-қувватлаш ўрнига икки томонлама мулоқотга таклиф қилишини кутмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг