Булоқбошида ерга чигит қадалди
Фото: «Халқ сўзи»
Баҳорни интиқлик билан қарши оладиган деҳқонларимиз аллақачон дала юмушларини бошлаб юборганлар. Қишнинг сўнгги ойи нисбатан илиқ келгани боис ер майдонлари экишга эрта тайёрланди. Куни кеча Андижон вилояти Булоқбоши туманида ерга чигит қадалди.
— Ўтган йили баҳорнинг илк кунларида эккан чигитимиздан ҳар гектаридан 39 центнердан ҳосил олишга эришдик, — дейди Булоқбоши тумани ҳокими Ўткирбек Мамуров.
— Бугун Жўраполвон массивидаги «Мирзасултон» фермер хўжалигида чигит экиш мавсумини бошладик. Экиш ишлари агротехника қоидаларига амал қилинган ҳолда олиб борилади ва бунинг учун барча шароит яратилган.
Булоқбоши туманида бу йил 2629 гектар майдонга «Андижон 35» навли чигит экиш режалаштирилган.
Саминжон ҲУСАНОВ,
«Халқ сўзи».
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг