Бразилияда коронавирусга чалинганлар сони 1 млн кишидан ошиб кетди
Фото: ТАСС
Бразилияда янги турдаги COVID-19 билан касалланганлар сони 1 миллион кишидан ошиб кетди.
Маълумотларга кўра, мамлакатда ўтган бир сутка ичида яна 54 771 кишида коронавирус аниқланган бўлиб, бу 16 июнь куни қайд этилган рекорд кўрсаткични (салкам 35 минг киши) янгилаган.
Таъкидланишича, мамлакатда инфекция тарқалишининг асосий йўналиши Сан-Паулу жануби-шарқий штати ва унинг пойтахти ҳисобланади. Ушбу ҳудудда 211 658 киши касалланган ва 12 232 нафар бемор вафот этган.
Бутун мамлакатда коронавирус билан касалланганлар сони 1 038 568 кишига етган.
Ҳозирга қадар Бразилияда 49 090 киши коронавирус қурбонига айланган бўлса, 520 360 минг бемор даволанишга муваффақ бўлган.
Эслатиб ўтамиз, Бразилия 13 июнь куни коронавирус қурбонлари сони бўйича дунёда АҚШдан кейинги 2-ўринга чиқиб олган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг