«Биз шунчаки президент Трампни қўллаб-қувватлаш учун келдик»... Вашингтонда норозилик намойишлари бошланди
Вашингтонда АҚШ президенти Дональд Трампнинг ўн минглаб тарафдорлари 2020 йилнинг ноябрь ойида мамлакатда ўтказилган президентлик сайловлари натижаларига қарши норозилик намойишларини бошлаб юборган.
Таъкидланишича, оломон Оқ уйнинг жанубида тўпланиб, Трампнинг чиқиш қилишини кутмоқда. Шундан сўнг улар Капитолийга юришни режалаштирган. Бу ерда Конгресс сайлов натижаларини тасдиқлаши керак.
«Биз шунчаки президент Трампни қўллаб-қувватлаш учун келдик», дейди намойишчилардан бири.
Трамп ҳамон президентлик сайловларидаги мағлубиятини тан олмаяпти. 2020 йилнинг ноябрь ойида бўлиб ўтган президентлик сайловларида демократ Жо Байден 306, Трамп 232 овозга эга бўлган эди.
Янги сайланган президентнинг инаугурация маросими 20 январь кунига белгиланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг