Беш кишини ваҳшийларча ўлдирган йигит умрбод қамоқ жазосига ҳукм қилинди
Тошкент вилояти Қибрай туманида ёш йигит беш кишини ғайриинсоний ўлдиргани учун умрбод қамоқ жазосига ҳукм қилинди.
Шафқатсиз ҳодиса жорий йилнинг 29 июль куни содир бўлган. Қотилликка сабаб йигит жабрланувчилардан бирини яхши кўриб, унинг қўлини сўраган, бироқ рад жавоби берилган.
Ўша куни у уйга ярим тунда, уй эгалари ухлаб ётган вақтида кириб, қассоб пичоғи ёрдамида беш кишини, жумладан, икки қиз, уларнинг отаси, укаси ва ёлланма ишчини ваҳшийларча ўлдирган.
Маълумотларга кўра, у қотилликни пухта режалаштирган: у хоналарнинг тартибини билган, ўзи билан иккита қассоб пичоғини олиб келган. Хабарларларга кўра, у Россияда чўчқачилик устахонасида ишлаган, шунинг учун у қандай қилиб профессионал тарзда ўлдиришни билган.
Она ва унинг икки ёш боласи тирик қолган. Қотил фожиадан бир неча соат ўтиб қўлга олинган ва ҳозирда ҳибсда.
14 декабрь куни Тошкент вилоят суди ёпиқ суд мажлисида жиноят иши материалларини кўриб чиқиб, қотилга нисбатан Жиноят кодексининг етти моддаси бўйича умрбод қамоқ жазоси тайинлади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг