БААда Covid-19 вакцинасининг қўшимча дозасини қабул қилиш мажбурий этиб белгиланди
БААдаги барча давлат ташкилоти ходимлари учун Covid-19 га қарши эмланиш ва иш жойига кириш учун вакцинанинг қўшимча кучайтирилган дозасини олиш мажбурий этиб белгинади.
Абу-Дабидаги Ҳукуматни қўллаб-қувватлаш департаменти Абу-Даби Фавқулодда вазиятлар, Инқирозлар ва офатлар қўмитаси билан келишган ҳолда ушбу тартибни 10 январь, душанба кунидан бошлаб кучга киритилишини маъқуллади.
Расмий тиббий имтиёзга эга бўлган ходимлар бу мажбуриятдан озод қилинади. Расмийларнинг таъкидлашича, янгиланган тартиблар давлат органларида мавжуд эҳтиёт чораларини кучайтириш ва аҳоли саломатлигини янада ҳимоялашга қаратилган.
Ходимлар, хизмат кўрсатувчилар ва шартнома бўйича иш юритаётган фуқаролар ҳар етти кунда салбий натижали ПЗР тестларини иш жойига тақдим этиши керак. Меҳмонлар, мижозлар ва вақтинчалик ходимлар эса 48 соат ичида олинган ПЗР тестининг салбий натижасини тақдим этишлари шарт.
Тўлиқ эмланган шахслар иккинчи дозадан олти ой ўтгач, кучайтирувчи дозани олишлари лозим.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг