АҚШда чегарани ноқонуний кесиб ўтганларга бошпана бериш вақтинча тақиқланди
Президент Жо Байден АҚШ жанубий чегарасини, яъни Мексика билан чегарани ноқонуний кесиб ўтган мигрантларга бошпана беришни вақтинча тақиқлади. Бу иммиграция хизмати ходимларига мамлакатда ноқонуний бўлган одамларни АҚШдан чиқариб юборишни осонлаштиради.
Дарҳол кучга кирган тақиқ чоралари доимий равишда қўлланилмайди. ОАВ маълумотларига кўра, ҳафта давомида ҳар куни чегарада 2500 дан ортиқ одам қўлга олинса, тақиқловчи чоралар жорий этилади. Чегарада кунлик қўлга олишлар сони 1500 тадан камайганда, бу чоралар бекор қилинади.
Эслатиб ўтамиз, яқинда АҚШга ноқонуний йўллар билан кетган 74 нафар ўзбекистонлик Ватанга қайтарилганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг