Фото: Reuters

Америка Конгресси АҚШ президенти Жо Байден маъмуриятини молиялаштиришдан маҳрум қилиши керак, чунки Оқ уйнинг муҳожирлар билан боғлиқ масалаларда ҳаракатсизлиги ўз халқига қарши урушдир. Бу фикрни Конгресснинг Техас штатидан вакили Чип Рой "Fox Business" телеканалида айтиб ўтди.

«Бу муаммони ҳал қилиш мумкин, аммо ҳозирги маъмурият буни қилишдан бош тортмоқда, шунинг учун Конгресс ўз ишини бажариши ва Америка халқига қарши уруш олиб бораётган институтларни молиялаштиришни тўхтатиши керак», дейди сиёсатчи.

Конгрессмен, шунингдек, ноқонуний муҳожирлар билан боғлиқ муаммони тез ва инсоний тарзда ҳал қилиш мумкинлигини айтиб, Байден маъмурияти зўравонликка учраган ва жинсий қулликка тушиб қолган муҳожирлар фожиасига кўз юмаётганини таъкидлади.

АҚШ Чегара ва божхона хизмати маълумотларига кўра, 2021 йил октябридан 2022 йил июлигача АҚШ жануби-ғарбий чегараларини кесиб ўтиш чоғида қўлга олинган ноқонуний муҳожирлар сони бир миллион 946 минг кишини ташкил қилган.

Аввалроқ, Нью-Йорк расмийлари Техас губернатори Грег Эбботнинг муҳожирларга нисбатан муносабатини ғайриинсоний, деб ҳисоблаган эди.