АҚШ Хитой ва Гонконгнинг бешта компаниясига қарши санкция жорий этди
Иллюстратив фото
АҚШ молия вазирлиги Хитой ва Гонконгнинг бешта компаниясига қарши санкциялар жорий қилди.
Америка Қўшма Штатлари Молия вазирлиги Хитой ва Гонконгнинг бешта фирмасига қарши янги санкциялар киритди. Тегишли ҳужжат Америка молия департаменти сайтида чоп этилди.
Вазирлик маълумотларига кўра, чеклов чоралари Хитойнинг учта компаниясига таъсир кўрсатди: “Beijing Jiahehengde Technology Company Limited”, “Beijing Shangyixianda Technology Company Limited” ва “China Taly Aviation Technologies Corp”. Шунингдек, иккита Гонконг компаниясига санкция қўлланилди: “Bestop Globle Mfg Limited” ва “Neway Technologies Limited”.
Аниқлик киритилишича, юқоридаги корпорациялар технологик ва саноат соҳасида фаолият олиб боради.
Шу йилнинг 20 октябрь куни АҚШ Давлат департаменти матбуот котиби Метью Миллер Қўшма Штатлар уч Хитой компаниясига бир томонлама санкциялар жорий этишга қарор қилганини, чунки улар баллистик ракеталарни ишлаб чиқариш учун материаллар ёки технологияни Покистонга ўтказганини айтганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг