АҚШ Финляндиядаги тўртта авиабаза ва битта денгиз базасидан фойдаланиш ҳуқуқига эга бўлади
Бу Финляндия мудофаа вазири Антти Хакканен ва АҚШ Давлат котиби Энтони Блинкен томонидан Вашингтонда имзоланган мудофаа соҳасида ҳамкорлик шартномасида қайд этилган. Финляндия умумий ҳисобда америкалик ҳарбийлар учун 15 та объэкт, жумладан казармалар, ўқув полигонлари ва омборлардан фойдаланиш имконини тақдим этади.
Шартнома кучга кириши учун аввал Финляндия парламенти томонидан тасдиқланиши керак.
Аввалроқ Путин Финляндияга НАТОга қўшилиши муносабати билан "муаммолар" билан таҳдид қилганди. Шунингдек, Россия Федерацияси Ленинград ҳарбий округини ташкил этиши ва у ерда маълум ҳарбий қисмларни тўплашини айтган эди.
Финляндия Россиянинг Украинага босқинидан кейин НАТОга аъзо бўлишга қарор қилди. Натижада Россия Федерациясининг алянс билан чегараси икки баравар кўпайди ва 2600 км га етди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг