Андижонда қурилиши тугалланмаган бино ортидан ўлик чақалоқ топилди
Андижон вилоятининг Жалақудуқ туманида 17 ёшли қиз қурилиши тугалланмаган бино орқасига ўлган гўдакнинг жасадини ташлаб кетди. Бу ҳақда «Дарё» хабар берди.
Маълумотларга кўра, жорий йилнинг 21 январь куни соат 09:30 атрофида Иттифоқ маҳалласида янги туғилган чақалоқнинг танасида ташқи жароҳатларсиз жасади топилган.
Текширувлар давомида боланинг онаси Навоий маҳалласида яшовчи 17 ёшли қиз экани маълум бўлди. 20 январь куни соат 23:00 атрофида у ўлик чақалоқни дунёга келтирган, шундан сўнг унинг жасадини қурилиши тугалланмаган бино орқасида қолдириб кетган.
Боланинг ўлими сабабларини аниқлаш учун суд-тиббий экспертиза тайинланган.
Ушбу ҳолат бўйича тергов ҳаракатлари давом эттирилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг