Иллюстратив фото

АҚШ денгиз пиёдалари корпусининг истеъфодаги разведкачиси Скотт Риттер Американинг дунёдаги гегемонлигига барҳам берилганини маълум қилди. Бу ҳақда у «Consortium News» учун мақоласида ёзган.

АҚШ ва Россия раҳбарларининг сўнгги ойлардаги очиқ баёнотларини солиштириб, Риттер дунёнинг йирик давлатлари ўртасидаги қарама-қаршилик натижаси ё бир қутбли дунёда Америка гегемониясининг сақланиб қолиши ёки Москва ва Пекин таъкидлаганидек, кўп қутбли моделнинг ривожланиши бўлади, деган хулосага келди. Унинг фикрича, якунда бошқа давлатлар орасида кўпроқ тарафдор тўплаган ғоя ғалаба қозонади.

«Бу икки ғоя тарафдорлари ўртасидаги тўғридан-тўғри ҳарбий тўқнашув ядровий можарога олиб келади, бу эса рақиблар назорат қилиш учун курашаётган дунёни йўқ қилади, — дейди Риттер. — Америка таназзулга юз тутди. Демократиянинг Америка модели ҳатто мамлакат ичкарисида ҳам муваффақиятсизликка учради ва шунинг учун уни бутун дунёга тақлид қилишга арзийдиган нарса сифатида кўрсатиш қийин. Америка гегемонлиги ғояси сўтилиб кетмоқда».

Аввалроқ, Ғарб ОАВ АҚШнинг Хитой билан қарама-қаршиликдаги мағлубияти Шарқнинг Ғарб устидан кўтарилишидан далолат беради, деган фикрни билдирган эди.