Афғонистондаги масжид портлаши оқибатида қурбонлар сони 33 кишига етди
Фото: AP
Афғонистон шимолидаги Имом Саҳеб шаҳридаги масжидда юз берган портлаш оқибатида ҳалок бўлганлар сони 33 кишига етди. Ҳалок бўлганлар орасида мактаб ўқувчилари ҳам бор.
Бу ҳақда «Толибон» ҳаракати маданият ва ахборот вазири ўринбосари Забиҳуллоҳ Мужоҳид маълум қилди.
Бугун Афғонистон шимолидаги шаҳарларида қатор портлашлар содир этилди. Улар учун жавобгарликни террорчилик ташкилоти ИШИД (Исломий давлат) ўз зиммасига олди.
Хусусан, Мозори Шариф шаҳридаги масжидда рўй берган портлашлардан бири камида 11 кишининг ҳаётига зомин бўлди, яна 32 киши жароҳат олди.
Қундуз шаҳрида содир бўлган портлашда яна 11 киши жароҳатланган.
Аввалроқ, Ўзбекистон Афғонистон шаҳарларидаги террорчиликни қаттиқ қоралашини билдирган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг