Фото: Архив сурат

Қирғизистон Республикаси 2023 йилнинг 1 январидан бошлаб МДҲга раисликни ўз зиммасига олди.

МДҲ Ижроия қўмитаси матбуот хизматининг хабар беришича, Ҳамдўстлик давлат раҳбарлари Кенгашининг 2022 йил 14 октябрдаги қарорига кўра, Қирғизистон 2023 йил давомида МДҲ Давлат раҳбарлари кенгаши, Ҳукумат раҳбарлари кенгаши, Ташқи ишлар вазирлари кенгаши, Иқтисодий кенгаш, бошқа тузилмаларига ҳам раислик қилади.

Қозоғистон (2022 йилда раислик қилган) ва Россия (2024 йилда раислик қилади) ҳамраис бўлади.

Президент Садир Жапаров Остонада бўлиб ўтган МДҲ саммитида Қирғизистоннинг 2023 йилдаги раислигининг устувор вазифаларини танқид қилган эди. Қирғизистон томони раислик даврида Ҳамдўстлик маконида кўп босқичли интеграция тузилмалари ўртасидаги ўзаро ҳамкорликни кенгайтириш ва чуқурлаштириш орқали МДҲга аъзо давлатлар ўртасида бир-бирининг манфаатларини ўзаро ҳурмат қилишга асосланган яхши қўшничилик ва ишончли муносабатларни мустаҳкамлашга катта эътибор қаратади.

Эслатиб ўтамиз, 2022 йил 14 октябрь куни бўлиб ўтган Остона саммитида Ҳамдўстлик давлатлари раҳбарлари МДҲ Ижроия қўмитаси раиси – Ижрочи котиби лавозимини 2023 йилдан «МДҲ Бош котиби» лавозимига ўзгартириш тўғрисида қарор қабул қилди.

Шунингдек, ушбу саммитда Сергей Лебедевнинг Ҳамдўстлик Ижроия қўмитаси раҳбари сифатидаги ваколатлари яна уч йилга узайтирилди.