Universitet professor-oʻqituvchilari talabalarga kitoblar ulashmoqda
Toshkent davlat sharqshunoslik universiteti tomonidan yoshlar maʼnaviyatini yuksaltirish va kitobxonlik targʻibotini kuchaytirish maqsadida oʻziga xos tashabbus ilgari surildi.
Unga koʻra, universitetning professor-oʻqituvchilari joriy oyning 15-fevralidan boshlab #kitob_ulash! chellenji ostida talaba-yoshlarga kitoblar ulashmoqda.
Chellenj qoidasiga muvofiq, oʻqituvchi talabalarga kitob taqdim etgach, videomurojaat orqali kitob ulashishni hamkasblaridan biriga uzatadi. Jarayon shu yoʻsinda navbatma-navbat davom etadi.
Eʼtiborlisi, chellenjga shu kunga qadar 50 ga yaqin oʻqituvchi qoʻshilib ulgurdi. Ular orasida universitetning xorijiy professor-oʻqituvchilari ham bor.
Ayni kunlarda chellenj universitet tashqarisiga koʻchgan.
Xususan, bugun taʼlim muassasasi professori Umida Saydazimova universitet akademik litseyida taʼlim olayotgan 2-bosqich oʻquvchilariga “Koreya hayoti” nomli kitoblar toʻplamini sovgʻa qildi va anʼanaga muvofiq chellenjni oʻqituvchi Hulkar Mirzaahmedovaga topshirdi.
#kitob_ulash! chellenji ijtimoiy tarmoqlarda ham faol qoʻllab-quvvatlanmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring