Turkiyaning “MNG Airlines” aviakompaniyasi Oʻzbekistonga muntazam yuk tashish qatnovlarini amalga oshirish uchun ruxsatnoma oldi
Oʻzbekiston Respublikasi va Turkiya Respublikasi Hukumatlari oʻrtasidagi havo qatnovi toʻgʻrisidagi Bitim asosida «Oʻzaviatsiya» agentligi tomonidan Turkiya Respublikasining “MNG Airlines” aviakompaniyasiga 2021-yil 26-mayda 98-K sonli Ekspluatatsion ruxsatnoma berildi. Bu haqda Transport vazirligi Axborot xizmati xabar berdi.
Ushbu ruxsatnomaga muvofiq “MNG Airlines” aviakompaniyasi Oʻzbekiston Respublikasiga Istanbul – Navoiy – Istanbul yoʻnalishida muntazam yuk tashish parvozlarni amalga oshiradi.
Aviakompaniya yuk tashish parvozlarini Airbus 300-600, Airbus 330-200 va Airbus 330-300 havo kemalarida amalga oshiradi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring