Toshkentda terrorchilik tashkilotining 30 ga yaqin aʼzolari qoʻlga olindi
Toshkentda “Tavhid va jihod katibati” terrorchilik guruhining 30 ga yaqin tarafdori qoʻlga olindi. Bu haqda poytaxt IIB matbuot xizmati xabar berdi.
Maʼlumotlarga koʻra, qoʻlga olinganlar Toshkentda jamoaviy yigʻilishlar oʻtkazgan va kelajakda Suriyada faoliyat yuritayotgan terrorchi guruhlarga qoʻshilishni rejalashtirgan.
Qayd etilishicha, guruh tarafdorlari Andijon, Surxondaryo va Qashqadaryo viloyatlaridan Toshkentga ishlash uchun kelgan yoshlardir.
Mazkur holat yuzasidan tegishli moddalar bilan jinoyat ishi qoʻzgʻatilib, tergov harakatlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring