Toshkentda direktor xodimlarini dam olish kunlari ishlashga majbur qildi
Foto: Illustrativ foto
Ishga Chilonzor tumani Bandlikka koʻmaklashish markazi xodimlari jalb etildi. Bu haqda Bandlik va mehnat munosabatlari vazirligi xabar berdi.
Maʼlumotlarga koʻra, mazkur holat Toshkent shahar davlat mehnat inspeksiyasi tomonidan oʻrganilgan. Maʼlum boʻlishicha, markaz xodimlari dam olish kunida mehnat faoliyatiga jalb qilingan, biroq qoʻshimcha ish haqi toʻlash yoki dam olish kunini berish boʻyicha hech qanday buyruq berilmagan.
Shunday qilib, markaz direktori Mehnat kodeksining 157-moddasi talabini buzgan, shu munosabat bilan Maʼmuriy javobgarlik toʻgʻrisidagi kodeksning 49-moddasi 1-qismi bilan maʼmuriy javobgarlikka tortilgan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring