Toshkentda 22 yoshli kuryerni yuk mashinasi urib ketdi
Videodan kadr
Toshkent shahrining Chilonzor tumanida HOWO rusumli yuk mashinasi velosipedchini urib ketdi. Bu haqda poytaxt Yoʻl harakati xavfsizligi boshqarmasi xabar berdi.
Maʼlum qilinishicha, kecha, 15-fevral kuni soat 18:00 larda Chilonzor tumani TXAY-Chorbogʻ koʻchalari kesishgan chorrahasida yuz bergan. HOWO rusumli yuk avtomobili oʻzi bilan bir yoʻnalishda harakatlanib ketayotgan 22 yoshli shaxs boshqaruvidagi velosiped bilan toʻqnashishi oqibatida yoʻl-transport hodisasi sodir boʻlgan.
YTH tufayli velosiped haydovchisi olgan tan jarohatlari oqibatida vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qoʻzgʻatilgan. Tergov davom etmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring