Toshkent viloyatida Matiz yoʻlni kesib oʻtayotgan 46 yoshli erkakni urib yubordi
Toshkent viloyatining Olmaliq shahrida 9-noyabr kuni Matiz avtomobili piyodalar oʻtish joyidan yoʻlni kesib oʻtayotgan piyodani urib yubordi. Bu haqda Yoʻl harakati xavfsizligi bosh boshqarmassi xabar bermoqda.
Maʼlumotlarga koʻra, soat 16:45 da Olmaliq shahri Amir Temur koʻchasida “Matiz” rusumli avtomashinani boshqarayotgan 1997-yilda tugʻilgan haydovchi piyodalar oʻtish joyida yoʻlni kesib oʻtayotgan 1975-yilda tugʻilgan erkakni urib yuborgan.
Qayd etilishicha, hodisa natijasida piyoda yengil tan jarohatlari olib, kasalxonaga yotqizilgan. Mazkur yoʻl-transport hodisasi yuzasidan tergov harakatlari olib borilmoqda.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring