Toshkent metrosidagi tabloda uyatsiz yozuv paydo boʻlganiga izoh berildi
“Oʻzbekiston temir yoʻllari” aksiyadorlik jamiyati Toshkent metropolitenining Sergeli yoʻnalishi 3-bekatida interval soatlari jadvalida uyatsiz yozuv paydo boʻlganiga izoh berdi.
Maʼlum qilinishicha, 12-aprel kuni soat 16:40 da ushbu soat mexanizmiga kiberhujum (xakerlik) sodir boʻlgani aniqlangan. U elektron va simsiz WiFi orqali boshqarilgan. Xakerlar tomonidan soatga oʻrnatilgan parol buzilgan va behayo yozuv qoʻyilgan. Ushbu yozuv 4 daqiqa ichida olib tashlangan.
Shuningdek, huquqni muhofaza qilish idoralari tomonidan aybdorlarning qidirilayotgani va ularga nisbatan tegishli choralar koʻrilishi taʼkidlangan. “Toshkent metropoliteni” rahbariyati telekommunikatsiya tarmogʻiga noqonuniy (ruxsatsiz) kirish jinoiy javobgarlikka sabab boʻlishidan ogohlantirdi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring